Кадаифот е десерт што ги комбинира традицијата и уживањето. Крцкавите тестенини, богатиот фил и шербетот создаваат десерт на кој е тешко да се одолее. Идеален е за оние моменти кога сакате нешто посебно, а сепак познато.
Многу е полесен за подготовка од баклавата, па ако сакате традиционален десерт, кадаифот е добра опција.
Овој благ специјалитет потекнува од Блискиот Исток, а денес е традиционален во сите земји што биле во состав на поранешното Отоманско Царство, некои дури развиле и свои верзии.
Потребни состојки:
- 300 гр кадаиф тестенини
- 200 гр путер
- 300 гр сечкани ореви
- 1 кг шеќер
- вода
- 4 парчиња лимон
Посготовка:
Ставете го путерот во мало тенџере и загревајте го на тивок оган додека не се растопи. Во меѓувреме, исечкајте ги оревите, но не целосно. Треба да оставите малку поголеми парчиња.
Истурете половина од кадаифот во длабока тава и распоредете го. Прелијте една третина од растопениот путер врз него. Потоа распоредете ги оревите врз кадаифот. Земете го остатокот од кадаифот и распоредете го врз тавата. Притиснете сè лесно со рацете за подобро да се залепи, а потоа прелијте го со остатокот од растопениот путер.
Загрејте ја рерната на 180 степени, а потоа ставете ја тавата внатре. Кадаифот се пече околу еден час, а ако имате силна рерна, намалете ја температурата на 160 степени.
Додека се пече кадаифот, подгответе го густиот шербет. Истурете го шеќерот во голема тава. Кога додавате вода, важно е нивото да биде еден сантиметар над шеќерот. Значи, натопете го шеќерот и додадете вода до висина од еден сантиметар. Додадете го лимонот.
Кога ќе зоврие, намалете ја температурата и гответе уште 15 минути. Потоа тргнете го тенџерето од оган додека кадаифот не се свари. Кога кадаифот ќе биде готов, извадете го од рерна и оставете го да се олади некое време. Потоа прелијте ја топлиот шербет врз колачот неколку пати.
Вратете дел од шербетот на шпоретот за повторно да се загрее, а потоа прелијте го врз кадаифот. Најдобро би било кадаифот да се олади на собна температура преку ноќ.
По желба можете да го украсите со мелени ореви или ф'стаци.
