Ако барате сладок, брз рецепт кој ќе ги воодушеви гостите и ќе донесе радост на вашата празнична велигденска трпеза - чоколадните гнезда се вистинскиот избор!
Подготовката е толку едноставна што ќе ви требаат само неколку состојки и околу 15 минути време. Без печење, без компликации - само малку имагинација и ќе добиете десерт што изгледа како нешто од слаткарница.
Состојки:
200 гр солени стапчиња
200 гр чоколадо за готвење
1 лажица масло
околу 30 мини чоколадни јајца
Подготовка:
Чоколадото за готвење заедно со една лажица масло растопете го на пареа или во микробранова печка. Мешајте додека смесата не стане мазна и сјајна.
Со рацете лесно искршете ги стапчињата сол на помали парчиња. Додадете ги во растопеното чоколадо и убаво измешајте за сите парчиња да бидат рамномерно покриени.
Во калапот за мафини ставете хартиени корпи. Во секоја ставете до две лажици од смесата и формирајте гнездо со вдлабнатина во средината.
Додека смесата е сè уште мека, ставете 2-3 мали чоколадни јајца во центарот на секое гнездо. Гнездата ставете ги во фрижидер најмалку 30 минути, додека целосно не се стегнат.
@marijamazalin Uskršnja gnijezda 😍 SASTOJCI • 200g slani štapići • 1 žlica ulje • 200g čokolada za kuhanje • 30 kupovnih malih čokoladnih jaja RECEPT 1. Otopiti čokoladu s jednom žlicom ulja 2. Rastrgati štapiće i pomiješati štapiće s otopljenom čokoladom 3. U kalupe za muffine slagati čokoladne štapiće kao gnjezdo 4. Na svako čokoladno gnjezdo staviti par jaja 5. Ohladiti 20 min u frižideru, a kasnije mogu stajati i na sobnoj temperaturi #cokoladnagnjezda #uskrsnjagnjezda #stapici #uskrs #easter #easterrecipes #recipe #uskrs #recept #brzirecepti #jednostavnirecepti #easyrecipes #quickrecipe #gnijezda #uskrsnagnijezda ♬ original sound - Marija Mazalin
