Вереничката на Џеф Безос, Лорен Санчес, ги привлече погледите на amfAR галата во Кан благодарение на тесниот фустан што го носеше.
Оваа креација со светки е дизајнирана од Roberto Cavalli, а деколтето е особено нагласено. Таа се одлучи за малку виткана фризура и шминка во природни нијанси. Изгледот го надополни со накит.
На настанот присуствуваше Безос, како и бројни други познати личности - Хајди Клум, Барбара Палвин, Парис Џексон, Хајди Клум, Тери Хачер...
Како што е познато, Санчес неодамна организираше моминска забава во Париз. Меѓу гостите беа Крис Џенер, Ким Кардашијан, Кети Пери и Ева Лонгорија.
После тоа, таа се упати кон Кан со својот вереник. На гала-вечерта Global Gift, таа ја доби наградата Global Gift Women Empowerment Award.
Двојката ќе се венча во Италија следниот месец, а многу уредници на списанија веќе се борат да бидат први што ќе ги објават фотографиите. Page Six дознава дека Vogue планира да ги објави сите детали од нивната свадба во специјално издание.
