Еден од најпознатите парови на светската сцена, Џеф Безос и Лорен Санчес, издвоија 10 милиони долари за да играат клучна улога на годинешната Мет гала.
Според извори блиски до организацијата, парот е меѓу главните спонзори на престижниот настан што се одржува секоја година во Музејот на уметност Метрополитен во Њујорк.
Нивната финансиска поддршка и ангажман наводно придонеле за организацијата на вечерта што ги собира најголемите имиња во светот на модата, филмот и бизнисот.
Особено внимание привлече тврдењата дека легендарната уредничка на списанието Vogue Ана Винтур, која со години стои зад Мет гала, изразила задоволство од нивниот придонес.
Изворите велат дека нејзиниот коментар бил краток, но јасен „во ред се“, што во модните кругови се толкува како значајно одобрување.
Мет гала е еден од најексклузивните настани во светот, каде што билетите и масите достигнуваат астрономски износи, а сите приходи одат во Институтот за костими на музејот.
Затоа големите донатори и домаќини играат голема улога во успехот на настанот.
Ова не е прв пат Џеф Безос и Лорен Санчес да привлечат внимание со нивниот раскошен животен стил и појавувања на настани од висок профил.
Сепак, овој потег дополнително го зацврстува нивниот статус како еден од највлијателните парови во глобалната елита.
Годинешната Мет гала ќе се одржи в понеделник, 4 мај 2026 година. Како што е традицијата, настанот се одржува првиот понеделник во мај во Музејот на уметност Метрополитен во Њујорк.
Црвениот тепих обично започнува навечер по американско време (околу 18:00 часот по источно време), кога јавноста може да ги гледа ѕвездите како пристигнуваат, додека самиот настан се одржува зад затворени врати.
