Неодамнешните истражувања покажаа дека најмалку 40 милиони жени веројатно ќе доживеат долгорочни здравствени проблеми предизвикани од породувањето.
Истражувањето, објавено во списанието The Lancet Global Health, откри големо оптоварување на постнатални состојби кои многу жени ги трпат со месеци, па дури и со години по породувањето. Целта на истражувањето беше да се разоткријат овие проблеми кои здравствениот систем треба повеќе да ги препознава, пренесува HuffPost.
Истражувањето ги истакнува најчестите проблеми со кои се соочуваат жените по породувањето.
Болка за време на сексуален однос (диспареунија), која влијае на повеќе од една третина од жените по породувањето (35%)
Болка во долниот дел на грбот (32%)
Анална инконтиненција (19%)
Уринарна инконтиненција (8-31%)
Анксиозност (9-24%)
Депресија (11-17%)
Болка во перинеумот (11%)
Страв од породувањето (6-15%)
Секундарна неплодност (11%)
Покрај нагласените, истражувањето опфати и неколку други здравствени проблеми кои можат да се појават, но се многу поретки.
Пролапс на карличните органи
Посттрауматско стресно нарушување
Нарушување на тироидната жлезда
Маститис
ХИВ сероконверзија
Оштетени нерви
Психоза
Венски тромбоемболизам
Перипартална кардиомиопатија
Сите овие проблеми може да имаат долгорочни социјални, економски и здравствени последици за жените и нивните семејства. Како што истакнаа авторите на студијата, овие проблеми во голема мера се игнорирани во клиничкото истражување, практика и политика, пренесува HuffPost.
