Ладното време веќе придонесува многумина веќе да се соочуваат со симптоми како течење на носот, сува кашлица и покачена температура. Во моментов, постои голема веројатност дека овие симптоми ги предизвикува коронавирусот, кој годинава е меѓу најраспространетите.
„Степенот на инфекции секогаш се зголемува поради една од три причини“, објаснува професорот по медицина на Универзитетот Источна Англија, Пол Хантер.
Тоа може да биде затоа што популацискиот имунитет на коронавирусот опаднал, дека се шири нова, позаразна варијанта или пак поради промени во однесувањето на луѓето што го зголемува ризикот од изложеност на вирусот. Во моментов, сите три фактори делуваат до одреден степен.
XFG, подтип на некогаш познатиот омикрон, првпат беше откриен во јануари. Овој сој, Стратус, во моментов предизвикува повеќето случаи на коронавирус во Велика Британија и има две главни варијанти – XFG и XFG.3. Првата е одговорна за 38,3% од случаите во Велика Британија, додека втората учествува со 32,8%, според податоците на Агенцијата за здравствена безбедност на Велика Британија (UKHSA).
Стратус е одговорен за повеќе од 60% од случаите со коронавирусот во светот, според Светската здравствена организација (СЗО), која внимателно ја следи оваа варијанта.
„Станал доминантен затоа што е позаразен (делумно може да го заобиколи постоечкиот имунитет) од претходните соеви“, објаснува професорот Хантер.
„Сепак, релативната предност на неговото распространување е околу 31%, што не е големо во споредба со многу претходни соеви. Значи, придонесува за зголемување на случаите, но веројатно не е главен двигател“, додава тој.
Иако сега инфекциите често се асимптоматски, постојат пријави дека инфекцијата со XFG почесто може да предизвика промуклост или груб глас. Други чести симптоми остануваат кашлица, висока температура и промена на чувството за вкус или мирис, според NHS.
Освен изолација дома, за жал, нема магично решение кое гарантира дека нема да добиете коронавирус или други респираторни вируси. Сепак, редовното миење раце и дезинфицирање на заедничките површини може да го намали ризикот од инфекција. Постарите лица и оние со медицински ризици треба да бидат повнимателни.
„Носете маски во гужви, примете вакцина ако ви е понудена и избегнувајте посети од лица кои имаат респираторна инфекција“, советува професорот Хантер.
„За повеќето луѓе, најефикасниот начин да ја пребродат короната е одмор дома, многу течности и следење на симптомите“, вели д-р Ејдрин Хајтер, медицински директор за клиничка политика во Кралската колеџа на општи практичари.
„Лековите без рецепт може да ги ублажат симптомите како болка, воспаление на грлото или затнат нос, а подобрувањето на протокот на воздух преку седење исправено и бавно дишење може да помогне при чувство на недостаток на воздух.“
Тој советува дека луѓето со симптоми на корона треба да останат дома и да избегнуваат контакт со други лица најмалку три дена, додека заболени треба да избегнуваат контакт со лица со ослабен имун систем 10 дена.
„Инфекцијата е многу заразна, а некои луѓе се посебно чувствителни на најтешките последици, затоа е важно да се превземат соодветни мерки за избегнување на зараза“, додава тој.
