Постојаната прекумерна тежина може речиси да го удвои ризикот од добивање на рак на матката - укажуваат наодите на една најнова студија.
Студијата спроведена од експерти од Универзитетот во Бристол, открива дека на секои пет дополнителни БМИ единици, ризикот од рак на ендометриумот кај жените се зголемува за 88 проценти.
Постојаната прекумерна тежина може речиси да го удвои ризикот од добивање на рак на матката.
Научниците и лекарите веќе некое време знаат дека прекумерната тежина или дебелината го зголемува ризикот од оваа болест. Приближно секој трет случај во ОК (34 проценти) е поврзан со прекумерна тежина.
Сега, истражувачите од Универзитетот во Бристол успеаја да ја разјаснат подобро таа поврзаност, како и степенот на зголемен ризик. Тие откриле дека на секои дополнителни пет БМИ единици, ризикот од рак на ендометриумот кај жената се зголемува за 88 проценти. Истражувањето беше финансирано од Cancer Research UK (CRUK) и објавено во списанието BMB Medicine.
Зголемениот ризик за оваа болест е повисок отколку што беше предложено во претходните студии и го одразува статусот на доживотна тежина отколку моменталната тежина, што е најчесто случај во повеќето други студии.
„Студиите како ова го поддржуваат фактот дека прекумерната тежина или дебелината е втора најголема причина за рак во ОК и може да ни помогне да почнеме да утврдуваме зошто. Ова ќе игра клучна улога во откривањето како да се спречи и лекува ракот во иднина“, вели д-р Џули Шарп здружението CRUK.
„Потребни се повеќе истражувања за да се истражи точно кои третмани и лекови би можеле да се користат за управување со ризикот од рак кај луѓето кои се борат со дебелината. Веќе знаеме дека прекумерната тежина или дебелината го зголемува ризикот од развој на 13 различни видови на рак. За да се намали ризикот од рак, важно е да се одржи здрава тежина со урамнотежена исхрана и да се биде доволно активен.“
Студијата се занимавала со рак на ендометриумот, најчестиот тип на рак на матката, кој влијае на слузницата на матката - ендометриумот. Се предвидува дека на една од 36 жени родени по 1960 година во Велика Британија во текот на животот ќе ѝ биде дијагностициран рак на матка.
Беа тестирани генетски примероци од 120.000 жени во Велика Британија, Австралија, Белгија, Германија, Полска, Шведска и САД. Околу 13.000 од нив имале рак на матката.
Истражувачите ги разгледале маркерите - 14 особини кои можат да ги поврзат дебелината и ракот на матката. Тие открија два хормони - инсулин и тестостерон - кои се поврзани со ризикот од добивање рак на матката.
Откривајќи дека дебелината го зголемува ризикот, на пример преку хормоните, експертите се надеваат дека во иднина лековите би можеле да се користат за намалување или зголемување на нивото на специфични хормони кај луѓето со поголем ризик од развој на рак.
„Оваа студија е интересен прв чекор во тоа како генетската анализа може да се искористи за да се открие како точно дебелината предизвикува рак и што може да се направи за да се реши тоа“, рече Ема Хејзелвуд, водечки автор на студијата.
„Врските помеѓу дебелината и ракот на матката се добро познати, но ова е една од најголемите студии за истражување зошто тоа е точно на молекуларно ниво. Очекуваме понатамошни истражувања кои подобро ќе покажат како сега можеме да ги користиме овие информации за да ги намалиме ризик од рак кај луѓето кои се борат со прекумерна дебелина.“
