Угледниот доктор на Националната здравствена служба, д-р Асиф Ахмед, предупреди на три симптоми кои може да укажуваат на една од најсмртоносните форми на рак - рак на панкреасот - и нагласи дека не треба да ги игнорираме.
„Ракот на панкреасот има најлоша прогноза од сите видови на рак, а тоа е затоа што речиси секогаш се открива предоцна“, сподели тој во видеото.
Првиот симптом што тој го истакна е ненадејниот развој на дијабетес тип 2 кај лице кое неодамна не се здебелило.
„Панкреасот произведува инсулин, па ракот на панкреасот може да ја наруши оваа многу деликатна рамнотежа и да предизвика дијабетес“, објаснува докторот.
Друг симптом, кој може да биде многу суптилен, е мало пожолтување на белките на очите или кожата.
„Ова се случува затоа што, ако имате рак на панкреасот, тој може да го притисне жолчниот канал и да спречи жолчката да помине низ него.“
Третиот симптом што го навел е „нејасна, тапа болка, обично во горниот дел на стомакот“. Само еден од дваесет пациенти преживува десет или повеќе години по дијагнозата, што го прави ракот на панкреасот петти најсмртоносен рак.
„Доколку имате некој од овие симптоми, не значи дека имате рак на панкреасот. За среќа, ракот на панкреасот е многу редок. Сепак, многу доцна се открива поради многу нејасни симптоми и доколку имате некој од нив, задолжително контактирајте го вашиот лекар“, заклучи д-р Ахмед.
@dra_says Dont ignore these symptoms. Most the time they are caused bu non sinister factors, but your doctor will help navigate what needs to be done. Educational purposes only. #pancreascancer #pancreaticcancer #pancreaticcancerawareness #diabetes #type2diabetes #cancer #pancreatictumor #pancreaticcancersurvivor #doctor #privatedoctor #privategp #weightloss #jaundice #jaundiceawareness #darkstool #stomachpain #stomachcramps ♬ original sound - Dr Ahmed
