Италијанската кујна веќе не е најдобрата во светот

Каде се рангира македонската кујна меѓу 100-те најдобри?

Најновото рангирање на Taste Atlas го смени претходното рангирање на најдобрите кујни во светот.

Фотографијата е преземена од polnacasa.mk

Италија, која со години беше на врвот на листата, овој пат мораше да го отстапи престолот на Грција, која го освои највисокиот рејтинг и беше прогласена за кулинарска престолнина на светот. Резултатите предизвикаа голем интерес кај љубителите на храна низ целиот свет.

Мексико, кое го освои третото место, го воодушеви жирито со својата разновидност на вкусови. Високи позиции зазедоа и Шпанија, Португалија и Турција, кои со години освојуваат со едноставноста и богатството на своите јадења. Азиските кулинарски сили како Јапонија и Кина, познати по својата разновидност на вкусови и богати традиции, исто така беа во првите дваесет.

Изненадување е напредокот на германската кујна, која скокна за девет места во споредба со минатата година и ја зазеде 23-та позиција, што покажува растечки интерес за регионалните специјалитети од таа земја.

На најновата листа на рангирање на Taste Atlas има кујни од целиот свет, од Европа до Азија и Јужна Америка. Македонија, со просечен резултат од 4,16 се наоѓа на 47. место и ги престигна кујните на Босна и Херцеговина и Црна Гора – од регионот – како и на Англија, Шведска, Куба – меѓу другите - што покажува зголемена популарност на македонските традиционални вкусови на меѓународната сцена.

Меѓу македонските јадења што се препорачува да се пробаат се: зелник, макало, сарма, ајвар и охридска пастрмка.

Резултатите покажуваат дека европските кујни продолжуваат да доминираат на светската сцена, но дека вкусовите од Азија и Латинска Америка добиваат сè поголемо значење. Македонската кујна, благодарение на традиционалните рецепти и автентичните состојки, станува сè повеќе ценета во светот на гастрономијата.

Најдобрите кујни во светот за 2025 година според Taste Atlas: