Многу луѓе имаат проблем да се концентрираат наутро, што експертите го поврзуваат со состојба позната како „инерција на спиење“.
Психологот Рејчел Голдман објаснува дека тоа е „поспана состојба во која мозокот сè уште се прилагодува на преминот од сон во будност, што ја забавува обработката и ја отежнува концентрацијата“. Оваа состојба може да влијае на целиот ден, предизвикувајќи тешкотии во донесувањето одлуки и чувство неорганизираност и дезориентираност.
Терапевтот Џоел Мореј истакнува дека постои една навика која може да го подобри утринскиот фокус, а таа започнува со едноставна вечерна рутина.
„Вечерната рутина, која вклучува смирувачки активности како подготовка на храна или облека за следниот ден, може да помогне да се создаде стабилна утринска рутина“, објаснува Мореј. Ова го намалува стресот и овозможува подобар почеток на денот.
Психологот Ракел Мартин исто така ја нагласува важноста од намалување на употребата на екрани пред спиење.
„Избегнувајте да скролате низ социјалните мрежи додека сте во кревет и затемнете го екранот еден час пред спиење. Исто така, полнете го мобилниот телефон од другата страна на собата за да го намалите искушението и да овозможите подобар сон“, вели таа.
Квалитетниот сон е пресуден за утринската концентрација, објаснува психологот Супатра Товар.
„Квалитетниот сон му овозможува на мозокот да обработува информации, да ја наполни енергијата и да го поддржува менталното здравје. Вечерните рутини, како што се избегнување на екраните и релаксирачките активности, му испраќаат на телото сигнал да се подготви за одмор“, истакнува тој.
Разбирањето на причината за намалениот утрински фокус е првиот чекор кон промената. Воспоставувањето навики, како што се намалување на употребата на технологија и одржување конзистентен распоред за спиење, може значително да ја подобри концентрацијата и менталната јасност.
