Јагодите се деликатно овошје кое брзо се расипува, но едноставен чекор пред нивното складирање може да им ја продолжи свежината. Треба да ги потопите во ладна вода со сода бикарбона.
Според истражувањето на Универзитетот во Масачусетс, потопувањето на бобинките во раствор од вода и сода бикарбона може да помогне во отстранувањето на нечистотијата, бактериите и површинските остатоци од пестициди. Исто така, може да го забави гниењето на овошјето.
Се препорачува јагодите да се потопуваат во ладна вода со сода бикарбона 15 минути, потоа да се исцедат во цедалка и да се исплакнат. После тоа, оставете ги да се исушат на воздух или исушете ги со хартиени крпи пред да ги складирате во сад. Чувајте ги во херметички затворен стаклен сад за максимална свежина.
Имајте на ум дека содата бикарбона понекогаш може да ги омекне јагодите, па затоа како замена може да се користи оцет. За такво плакнење, препорачаниот сооднос е 100 милилитри оцет на 300 милилитри вода, кратко потопување една до две минути, брзо плакнење со ладна вода и многу темелно сушење пред складирање.
Ако се јадат истиот ден, јагодите може да се чуваат на постудена собна температура, подалеку од сончева светлина и извори на топлина. За складирање од два до пет дена, се препорачува да се одделат меките или мувлосаните овошја, да се обложи садот со кујнска хартија и да се наредат јагодите во еден слој, со доволен проток на воздух во фрижидерот.
