Доколку планирате да ја посетите Италија во блиска иднина, треба да ги послушате советите на оние што често патуваат.
Лорен Куакуарели, авторка на неколку водичи за Италија и нејзините острови, предупреди за измамниците на кои често можете да налетате.
„Ова е една од најголемите туристички стапици во земјата“, рече таа на TikTok.
На видеото се прикажани двајца луѓе како се подготвуваат да му дадат пари на уличен продавач во замена за нараквица.
„Ќе наидете на луѓе во близина на големи туристички атракции, и тие ќе ви стават некаков вид нараквица на раката, велејќи дека е подарок. Сепак, не дозволувајте им да го сторат тоа бидејќи ќе ви побараат пари. Освен, се разбира, ако навистина сакате да ја купите нараквицата. Само не дозволувајте им да ви се приближат“, вели Лорен, која има британски и италијански корени.
Како што изјави таа, продавачите можат да бидат опасни и потенцијално агресивни, објавува Daily Express.
@italianlife Avoid this tourist trap in Italy!
♬ original sound - Lauren Quacquarelli
Меѓу коментарите што ги доби на нејзиниот TikTok профил беше и коментар од турист кој неодамна го посети Рим.
„Го видов тоа на секој чекор, особено околу Колосеумот. Бидете одлучни, но учтиви кога ги одбивате“, рече патникот.
Ваквите измамници ги има насекаде во Италија и тие најчесто се африкански имигранти. Доколку зборувате италијански, одбијте ги на овој јазик бидејќи ќе помислат дека не сте туристи и ќе ве остават на мира, иако некои знаат да бидат упорни дури и со домашните туристи.
