Болеста на бубрезите кај мачките постепено напредува, па многу сопственици не забележуваат симптоми додека состојбата не стане сериозна. Ветеринарот д-р Амир Анвари сподели апел на неговиот TikTok до сопствениците на мачки да бидат свесни за опасностите од оваа болест кај нивните миленици.
Според него, оваа болест се влошува со секој нов симптом, а додека мачката стигне до ветеринар, често веќе ѝ нема спас.
„Вашата мачка нема да преживее ако не дејствувате на време. Ова е совет кој мора да го слушнете и да го сфатите сериозно“, вели тој.
Некои од раните знаци на бубрежна болест кај мачките вклучуваат зголемена жед, често мокрење, губење на тежината, повраќање, летаргија и лош здив.
Кога бубрезите не се во можност да ги филтрираат токсините од телото, се наталожуваат токсични материи, што ја прави состојбата уште полоша. Циклусот на дехидрација и слаб внес на храна може брзо да доведат до откажување на бубрезите.
Кога ќе забележите дека вашата мачка пие повеќе вода од вообичаено и почесто мокри, тоа е јасен знак дека може да има проблеми со бубрезите. Д-р Анвари вели дека е важно веднаш да се побара ветеринарна помош бидејќи сопствениците често се свесни за промените, но не реагираат на време.
Како што болеста напредува, мачката може да одбие храна, да почне да повраќа и да се однесува како да е болна. Сето ова е резултат на акумулацијата на токсини во телото бидејќи бубрезите повеќе не ги филтрираат отпадните материи како што треба. Со дехидрација и слаб внес на храна, состојбата станува уште посериозна бидејќи телото почнува дополнително да ги оштетува веќе ослабените бубрези.
Д-р Анвари советува да ѝ обезбедите на вашата мачка извор на свежа вода за да го поттикнете внесот на течности. Исто така, препорачува додатоци на омега-3 масни киселини поради нивните антиинфламаторни својства, кои можат да им помогнат на бубрезите.
@amirthevet By the second euthansia I almost wanted to cry . Seeing this issue so often and owners not being aware of how deadly it is has made me feel the need to post this video . Please guys if you’ve experienced kidney disease share in the comments and lets spread some awareness! #cats #catowners #learning #vet ♬ original sound - Amir Anwary
