Домашното милениче може да додаде друга димензија на вашето семејство, давајќи им на децата пријател со кој ќе си играат, обврска за која ќе се грижат и неизмерна љубов.
Добра идеја е да истражите кое домашно милениче може да биде соодветно за вашето семејство, но без разлика што ќе одберете, има многу причини зошто е добро за децата.
Домашното милениче им дава на вашите деца голем број придобивки, од тоа да ги направи поодговорни и помалку себични, до фактот дека ќе им донесе среќа.
Д-р Сара Џозеф, ветеринар од Масачусетс, со кариера од речиси 25 години, вели дека домашните миленици може да го обединат семејството.
„Домаќинствата може да имаат конфликти“, вели таа, „но она за што се согласуваат повеќето членови на семејството е колку е нивното милениче прекрасно, извонредно и слатко“.
Д-р Џозеф, исто така, предупредува дека еден од најтешките моменти за сопствениците на домашни миленици е губењето на миленичето - тоа е една од најтешките, но највредните лекции што детето може да ги научи.
Д-р Гејл Ф. Мелсон, развоен психолог, откри дека малите деца кои имаат домашни миленици подобро ја разбираат биологијата од нивните врсници, објави Scientific American.
Децата со домашни миленици се помалку загрижени бидејќи секогаш имаат некој кој може да ги утеши кога ќе дојдат дома. Д-р Мелсон открива дека „децата кои им се обраќаат на домашните миленици за емоционална поддршка биле помалку анксиозни и повлечени од оние што не биле“, објави Scientific American.
Децата ќе учат за сочувството од животните. Животните нема да толерираат никакво лошо однесување, доколку децата сакаат животните да бидат љубезни кон нив, тие мора да бидат љубезни кон својот миленик.
Одговорноста за домашно милениче оди подалеку од шетање и хранење. Децата се активни во обезбедувањето грижа и љубов на своите миленици. Домашните миленици ги одржуваат децата активни. Кучињата, па дури и мачките, можат да ги направат децата поактивни само со играње со нив. Иако многу од животите на нашите деца се исполнети со екрани, интеракцијата со нивните миленици им го одзема тоа, вели Греј. Миленичето го учи детето да биде поприсутно. Кој не би посакал некој во куќата кој ве обожава без разлика на се и трча секогаш кога ќе се вратите дома? Оваа безусловна љубов негува доверба.
Верувале или не, можно е имунолошкиот систем на вашето дете да се зајакне доколку имате домашно милениче, со што ќе се намали ризикот од алергии. Центрите за контрола и превенција на болести открија дека домашните миленици можат да го намалат крвниот притисок и холестеролот кај сопствениците.
Има причина зошто кучето е „најдобриот пријател на човекот“. Безусловната љубов на детето и неговиот миленик е незаменлива.
