МакеДокс е во потрага по шестата генерација Докуникулци

Фестивалот на креативен документарен филм МакеДокс е во потрага по шестата генерација „Докуникулци“ на возраст од 14 до 18 години, кои сакаат да бидат дел од едногодишната работилница за креативен документарен филм.

Сигурно си чул/а некој од постарите како вели: „Денес е лесно, со тоа телефоните во џебот, можете сѐ да снимате и одма на Инста“. Ама не е баш така. Отвори во галерија и биди искрен/а... Колку од твоите видеа имаат приказна? Кажуваат нешто што ќе го надживее и последниот модел на ајфон?

Бараме млади, храбри и креативни луѓе кои сакаат да се изразат слободно и спремни да се впуштат во незаборавна авантура. Дванаесетмината величествени од сите вас, ќе бидат поделени во групи со по еден ментор, а на крајот секоја група ќе треба да има готов краток креативен документарен филм. (Во овој момент, не бери гајле за опрема.)

Имаш уникатна шанса да го научиш занаетот на правење документарци од прва рака наместо од видео-туторијали и да навлезеш во филмскиот свет на еден свој и уникатно интересен начин.

Програмата на „Докуникулци“ црпи искуство од досегашните 5 генерации на млади, од кои дел, веќе започнаа сериозно да се занимаваат со филм. Нашето искуство е стекнато низ 15 фестивалски години, каде се свртеле буквално илјадници документаристи, раскажувачи на приказни и вљубеници во седмата уметност. На дофат на рака имаш единствена можност за креативна дружба, од која на крајот ќе имаш свој филм! Твој филм, кој ќе биде снимен според твојата приказна, со професионална опрема, и со помош на менторска поддршка од докупрофесионалци. И наша заедничка длабока надеж дека твојот филм ќе патува на многу фестивали.

МакеДокс е во потрага по шестата генерација „Докуникулци“ на возраст од 14 до 18 години, кои сакаат да бидат дел од едногодишната работилница за креативен документарен филм.

Сними се себеси, со телефон, камера или на кој било друг начин и преку видеото, кое не треба да е подолго од 5 минути, одговори на следниве прашања:

Покрај гледањето филмови, кои се твоите останати хобија/пасии?

Дали повеќе го следиш твоето срце или твојот разум?

По која особина сакаш да те запамтат луѓето?

Дали се поистоветуваш со некој филмски лик? Доколку да, кој е тој?

Која е причината поради која сакаш да гледаш (документарни) филмови?

Кое е твоето првично сеќавање од гледање филм?

За каква личност се сметаш себе, а пак како те сметаат другите / твоите пријатели?

Видеото испрати ни го на dokunikulci@makedox.mk преку WeTransfer. Уште подoбро, доколку си во можност, прикачи го на VIMEO или YouTube, заштитено со лозинка, а нам испрати ни ги линкот и лозинката.

Повикот е отворен до 15 јуни 2024, a резултатите ќе бидат објавени до 20 јуни 2024 година.

Работилницата ќе биде распоредена во четири сесии и ќе се случува во следниот период:

- јули 2024 (5 дена во природа)

- август 2024 (8 дена на филмскиот фестивал „МакеДокс“)

- 5-7 есенско-зимски сесии по договор во периодот од септември до јануари

- снимање и завршување на филмовите до јуни 2025

На работилницата, своите знаења и вештини во документаристиката ќе ги споделат членови на креативниот тим на МакеДокс, ланските докуникулци и наши пријатели од други земји – докажани докупрофесионалци.

Учеството е бесплатно. Трошоците за сместување, превоз и храна се покриени, но имај на ум дека сместувањето – особено за првата сесија во природа не е во хотел со пет ѕведзички, туку може да е кампување во шатори, под отворено небо со милион ѕвезди, заедно со тимот на МакеДокс.

Доколку имаш некое неодговорено прашање, слободно пиши ни! Те очекуваме!

Тагови
реклама

Неделен хороскоп од 16 до 22 февруари

Read more

Колку километри треба да трчате според вашата возраст?

Read more

Тепачка на паркинг во Аеродром, уапсените на возраст од 19 до 27 години

Read more

Главен виновник зошто не можете да слабеете, а често се игнорира

Read more

Култура

Cuban Fire – Националниот џез-оркестар свири афрокубанска музика

Read more

Свечено доделување на традиционалните годишни награди на ДПМ за 2024 година

Read more

Мадам Батерфлај од Џакомо Пучини на 14 февруари на сцената на Националната опера и балет

Read more

Некој ме гледа романтично – љубовен концерт на Македонската филхармонија

Read more
 

Вести

Доларот стагнира, цената на нафтата расте

Читај повеќе

Sky News Arabia: Хамас e подготвен да го предаде Појасот Газа на палестинска управа

Читај повеќе

Патриотски песни наместо школско ѕвонче ќе ечат во руски Перм

Читај повеќе

Масовни протести против екстремната десница во Берлин

Читај повеќе

Европа ги надмина САД во пари за Украина

Читај повеќе

Врнежи од снег на неколку патни правци, намалена видливост на Стража и Маврово

Читај повеќе

Без струја денеска делови од Карпош, Бутел, Кисела Вода и Аеродром

Читај повеќе

Една година од смртта на Алексеј Навални

Читај повеќе

Партиите од коалицијата „Влен“ размислуваат да се соединат во една партија по локалните избори

Читај повеќе