Ракометната репрезентација на Македонија ја забележа втората победа, прва во главната фаза, на 29-тото Светско првенство. Попладнево во Вараждин, Македонија го победи Катар со 39:34 (21:17).
Македонија против Катар го одигра најдобриот меч во досегашниот тек на Мундијалот. Од втората минута кога со серија од три гола го презедоа водство, со искучок на еден дел од првото полувреме кога Катар изедначи на 7:7, ја имаа предноста на своја страна.
Во вториот дел Катар неколку пати успеа да се доближи на негатива од два гола, но не и да ја загрози предноста на Македонија. Практично мечот беше решен на девет минути до крајот кога Македонија водеше со 36:30.
Пешевски и Кузмановски постигнаа по 6 гола, Митев и Костески по 5, Лазаревски 4. Голманите заедно имаа 13 одбрани (Кизиќ 9, Митревски 4). Франкис Карол со 12 гола од 19 обиди го предводеше Катар.
Македнија со 4 бода сега е трета на табелата во Групата 3.
