Македонската ракометна репрезентација вчера вечерта во Скопје ја совлада Швајцарија со 29:28 во последното коло од квалификациите за Европското првенство.
Иако Македонците и пред натпреварот го имаа обезбедено учеството на евро-шампионатот, одиграа без калкулации и на крајот заслужено се радуваа.
„Црвено-жолтите“ до победата ги предводеа селекторот Кирил Лазаров и Филип Кузмановски со по шест гола, како и голманот Никола Митревски со 15 одбрани.
На другиот меч од 6. коло во седмата група, Данска ја победи Финска со 46:24.
Македонскиот национален тим го обезбеди седмото учество на континенталните ракометни собири, каде од групата ќе патуваат и Данците.
Европското првенство ќе се игра во јануари следната година во Словачка и во Унгарија.
