Поранешниот легендарен фидбалер на „Росонерите“ и сегашен клупски директор го предизвика градскиот ринал Интер најавувајќи отворена борба за тоа кој тим прв на дресот ќе добие втора ѕвездичка.
Како што е познато, во Италија на секои 10 освоени Скудета се добива по една жолта ѕвездичка над клупското лого на дресовите. Милан и Интер имаат по една, но и двата клуба се многу блиску до својата втора.
Милан со освојувањето на титулата синоќа во Серија А стигна до своето 19-то Скудето со што се израмни со Интер, кој има исто толку. Сега на двата клуба им недостасува само уште една титула за конечно да ја добијат таа толку посакувана втора ѕвездичка.
„Ние први ќе стигнеме до втората ѕвездичка“, рече Паоло Малдини во изјава за ТВ шоуто „Che Tempo Fa“ откако му беше посочено дека Милан се израмни по бројот на титули со градскиот ривал.
Од 19-те титули на Милан, Малдини освои 7 додека беше активен играч.
Милан го освои Скудетото после 11-годишна пауза.
Најмногу ѕвездички има Јувентус, дури 3, со оглед на тоа што досега има освоено 36 титули.
