Откако побара од раководството на клубот да го напушти клубот и да го продаде, Кристијано Роналдо доби болно „спуштање на земја“ од Манчестер Јунајтед.
Вчера веста за можното заминување на Роналдо од Јунајтед ја разбранува јавноста, откако славниот Португалец ги разочара навивачите и побара од управата на клубот излезен трансфер уште ова лето.
Сепак, ништо нема да излезе од тоа. Раководството на Манчестер Јунајтед брзо реагираше и одржа разговор со Португалецот и му порача дека нема да биде продаден ова лето.
Челниците на клубот порачаа дека Роналдо не е на продажба и дека ќе остане на Олд Трафорд и во следната сезона.
Роналдо се одлучи на овој потег откако неговата камбек сезона во Јунајтед беше ужасна. Забележани се најлошите резултати на клубот во последните децении, а на крајот во последното коло беше освоена само Европската лига.
Португалецот не беше задоволен од резултатите и сака да игра во Лигата на шампионите, а за останување на „Олд Трафорд“ не оди во прилог и фактот што Роналдо смета дека Јунајтед не е „здрава“ средина за добри резултати.
Сепак, тој ќе остане во клубот, објавија денеска англиските медиуми. Во меѓувреме неколку клубови ја разгледуваа опцијата да го доведат Роналдо, а меѓу нив се издвојуваат Баерн и Челси.
