Calciomercato објави дека Марио Манџукиќ би можел да потпише договор со Милан во следните два дена, наводно тој веќе направил неколку лекарски прегледи за да ги убеди челниците на италијанскиот гигант дека е подготвен да се врати во Серија А.
Хрватскиот напаѓач е без клуб од минатото лето кога си замина од катарски Ал Духаил. Тој треба да потпише договор вреден два милиони евра со Милан до крајот на сезоната, со можност да го продолжи за уште една сезона.
Италијанските медиуми пишуват дека Манџо дал зелен светло и дека сега „топката е кај тренерот на ‘росонерите’“.
Според информациите од Пјетро Балзано Прота, предложениот шестмесечен договор со можност да се дискутира продолжување на крајот од сезоната, значи дека Манџукиќ би можел да стане вреден заменик на Ибрахимовиќ сега-засега, и повеќе. Хрватот и Швеѓанецот со балкански корени би можеле да бидат моќен тандем во миланскиот гигант.
Даниеле Лонго од Calciomercato известува дека Манџукиќ рекол „да“ на идејата за преселба во Милано, а раководството ја проценува ситуацијата. Ништо сè уште не е дефинирано, но преговорите продолжуваат.
Во меѓувреме, според она што го објави новинарот на Sportitalia, Алфредо Педула, славниот „Супер Марио“ во последните три недели одбил „ни помалку, ни повеќе туку четири понуди“, дури и за двегодишни договори.
Неговата причина за тоа е едноставна: го сака само Милан и сака да му помогне на клубот во освјувањето на првата титулата во лигата после 10 години.