Буцко, но брани како пантер. Видеото од австралискиот одгледувач на манго, кој во слободно време е голман, го освои фудбалскиот свет.
За голманот Нелсон Њу не слушнал никој, никој освен неговите соиграчи и другари. Но, сега цел свет слушна и тоа сосема неочекувано.
Во вторникот во далечната Австралија се играше натпреварот помеѓу Куинсленд Лајонс и Касуарина, два анонимни клуба со уште поанонимни играчи. Се работи за натпревар од шестнаестинафиналето на австралискиот ФФА куп каде настапуваат сите можни кубови од земјата, па оттаму и многуте аматерски клубови.
Домашните водеа со 3:0 кога гостинскиот тренер реши да направи замена на голманите, а во игра влезе Нелсон Њу. Веднаш се издвои од останатите на теренот, не поради дреч жолтиот дрес, туку поради неговиот физички изглед кој воопшто не наликува на фудбалер - буцко, со доста килограми повеќе.
Но, Нелсон иако до крајот прими три гола за победа на „Лавовите“ од 6:0, за него почнаа да се вртат видеа и тоа не со цел да го исмејуваат, туку да покажат дека упорноста и желбата се исплатат. Неговите одлични одбрани станаа хит ширум светот.
Инаку, Нелсон е фармер кој за да преживее одгледува манга, тропско овошје кое кај нас го има по маркетите по прилично скапа цена.
Неговите сограѓани велат дека е веројатно најдобруот голман кој излегол од Дарвин, главниот град на австралиската федерална територија Северна Територија.
