На моделите M3 Sedan и M4 Coupé на BMW неодамна им се придружи и M3 Touring, кој комбинира слични перформанси со поголема практичност. Manhart веќе се „заигра“ со M3 Sedan, а сега го објави и својот тјунинг пакет за караванот, кој се нарекува MH3 650 Touring.
Новиот модел е најавен со сет рендер автомобили со црно-златна комбинација на бои и Manhart ознаки. Карбонскиот пакет вклучува преден сплитер, крилца на браниците, екстензија на праговите, страничен спојлер и нов дифузор. Тука се и 21-инчни Manhart Concave One фелни во мат црна боја, кои може да се добијат и во други бои.
MH3 650 Touring е поснажен од седанот MH3 600. Со помош на MHtronic контролната единица и без промена на компонентите, 3,0-литарскиот обичен 6-цилиндричен twin-turbo мотор развива 641 КС и 800 Нм вртежен момент. Со вакви бројки се израмнува со моделот MH3 GTR кој е најсилниот тјуниран M3 од Вупертал.
Моделот исто така има и подобар звук благодарение на новиот издувен систем со контрола на вентили, опција на спортски downpipe со или без катализатор и OPF филтери.
Од Manhart не наведоа дали имало подобрување на шасијата, но секогаш е можно да се одберат H&R пружини или KW компоненти кои ги има MH3.
