Поранешниот играч на Јувентус и на репрезентацијата на Италија е спремен за нова кариера, овој пат како градоначалник на својот роден град.
Италијанските медиуми тврдат дека Клаудио Маркизио има намера да се кандидира за градоначалник на Торино. Тој минатата недела, навистина, сам откри дека размислува за политичка кариера, а сега два сериозни итлаијански медиуми ја споделија новата вест.
Според дневниот весник La Stampa и ТВ каналот Sky TG24, Маркизио е на листата од неколкумина предлог-кандидати за градоначаник од Демократската партија.
ПД има 37 места во италијанскиот Сенат и 17 во Европскиот парламент, а претседател е Николо Ѕингарети.
Локалните избори во Торино ќе се одржат во октомври. Актуелна градоначалничка е Кјара Апендино од партијата Движење 5 ѕвезди на комедијантот Бепе Грило.
Маркизио речиси целата своја кариера ја мина во Јувентус, клубот каде што и ги направи првите фудбалски чекори. Една сезона играше како позајмен во Емполи, а кариерата ја заврши со една сезона во руски Зенит пензионирајќи се во 2019 година. За репрезентацијата на Италија одигра 55 натпревари и постигна 5 голови.
