Претставувањето на моделот Grecale беше закажано за 16 ноември оваа година.
Maserati во септември најави дека официјалната премиера на моделот Grecale ќе биде одржана во Милано, во половината на ноември. Кризата предизвикана со глобалниот недостаток на чипови ја принудија италијанската компанија да го одложи дебито на новиот SUV за пролет 2022 година.
Во најновото соопштение на Maserati се наведува дека доцнењето е последица на проблемите кои доведоа до прекинување на ланците на снабдување со клучните компоненти неопходни за завршеток на процесот на производство на автомобилите.
Конкретно, поради недостатокот на чипови компанијата не би можела да го задоволи очекуваното интересирање на купувачите за новиот модел, односно нивото на производство не би можело да одговори на глобалната побарувачка за овој автомобил.
Факт е дека кон крајот на септември Maserati го најавуваше лансирањето на новиот автомобил за ноември и ова беше доказ дека развојот на моделот Grecale беше практично завршен.
Grecale ќе биде вториот SUV на Maserati во понудата и ќе ја зазеде позицијата под моделот Levante. Автомобилот ќе биде базиран на механичка платформа „Giorgio“, а се очекува дека ќе биде понуден како хибрид, целосно електрична верзија и опција со бензин.