Директорот на SpaceX и Tesla, Илон Маск, кој неодамна го купи Twitter, изјави дека одредени корисници во иднина можеби ќе плаќаат за користење на оваа социјална мрежа.
Маск новите идеи ги објасни на Twitter.
„Twitter секогаш ќе биде бесплатен за обичните корисници, но ќе ги чини комерцијалните/владини корисници“, напиша тој, додавајќи дека „некаков приход е подобар од никаков“.
Twitter отсекогаш бил бесплатен за сите корисници, но идејата на Маск има позадина. Reuters минатата седмица пренесе дека Маск им рекол на банките кои се согласите да му помогнат да го купат Twitter за 44 милијарди долари, дека ќе пронајде начин за монетизација на твитовите.
Според Forbes, Маск е најбогатиот човек во светот, а го купи твитер на 26 април. Тој вети слобода на говорот на Twitter, со почитување на законите.
„Слободата на говор го сметам тоа што е во согласност со законот. Противник сум на цензура која е далеку над законот“, порача Маск.