Елон Маск ја откри неговата визија за првата човечка цивилизација на Марс.
Маск планира мисија на Марс во следната деценија, а целта му е да помогне во воспоставување колонии од милион луѓе на Црвената планета, до 2050 година. За тоа како ќе живеат на Марс, тој вели:
„Луѓето првин ќе живеат во стаклени куполи, подоцна ќе дојде до тераформирање за да може да се одржи живот како на Земјата“, вели тој.
Маск тврди дека првите жители на Црвената планета ќе бидат зависни од базите за да преживеат.
„Трансформацијата ќе биде бавна и нема да се случи во наше време. Меѓутоа, може да воспоставиме база на Марс. Идните генерации барем ќе бидат импресионирани до каде сме дошле кога ќе ги откријат нашите урнатини“, вели Маск.
Сепак, многумина се скептици кога станува збор за тераформирањето на Марс поради недостатокот од вода и други извори потребни за таа цел.
