Основачот на Tesla обелодени дека својата приватна резиденција ја префрлил во Тексас како резултат на рестриктивните мерки кои се на сила во Калифорнија.
„Да, се преселив во Тексас“, потврди Илон Маск во изјава за The Wall Street Journal.
Тој потенцира дека Tesla е последниот автопроизводител кој работи во Калифорнија, додека SpaceX е последната вселенска компанија која има значително производство во истата сојузна држава.
„Порано имаше десетина фабрики за автомобили во Калифорнија, а Калифорнија беше и центар на вселенската индустрија. Mоите компании се последните две преостанати. Сакам да го нагласам тоа бидејќи е важно“, рече тој.
Милијардерот ќе има голема корист од преселбата бидејќи даноците во Тексас се помали. Моментално тој е втор најбогат човек во светот.