Цените на возилата на Tesla растат поради доцнење во синџирот на снабдување во автомобилската индустрија, особено суровините, напиша на Twitter извршниот директор на компанијата, Илон Маск.
„Цените растат поради високиот притисок на цените во синџирот на снабдување низ целата индустрија, особено на суровините“, се правдаше Маск како одговор на пораката за неусогласеност меѓу зголемувањето на цените на возилата и отстранувањето на одредени карактеристики на Model Y.
Во мај, Тесла ги зголеми цените на Model 3 и Model Y. Ова е петто поскапување за само неколку месеци, објави веб-страницата Electrek.
Во април, Маск рече дека Tesla ги доживува „некои од најтешките предизвици во синџирот на снабдување“, наведувајќи недостаток на чипови. Потоа рече дека проблемот е главно решен.
Electrek вчера објави дека новите сопственици на Model Y известуваат дека нивните електрични возила се испорачуваат без лумбална поддршка на совозачкото седиште.
