Lucid, калифорниска компанија која би сакала да стане конкурент на Tesla, има проблеми со производството.
Откако неодамна го намалија овогодинешниот таргет од 20.000 на 12.000 до 14.000 автомобили, деновиве направија уште една корекција. Сега очекуваат да произведат само шест до седум илјади примероци годинава.
Сето ова го поттикна сеприсутниот Илон Маск да се подбива со конкурентот кој и претходно бил цел на неговите „отровни стрели“ на Twitter.
Маск студено ја коментираше веста за намалувањето на производството, велејќи: „Во вториот квартал од годинава имав повеќе деца отколку што тие направија автомобили.“
Шегата на Илон Маск ќе биде полесно разбирлива ако знаете дека легендарниот претприемач е татко на дури девет или десет деца (во зависност од изворот) и дека неодамна доби близнаци со Шивон Зилис, претседателката на неговата компанија Neuralink.
Недолго потоа доби уште едно дете со пејачката Грајмс, со која е во врска. Неговиот љубовен живот очигледно е комплициран, но и многу продуктивен.
Lucid моментално има активни нарачки за 37.000 автомобили, а во првата половина од оваа година тие произведоа само 1.405. И додека Lucid се мачи со илјадници, Tesla цели на милиони.