Северната италијанскиот регион Трентино-Алто Адиџе тестираше повеќе од 350.000 жители за три дена, со цел откривање на асимптоматски случаи, односно лица заразени со COVID-19 кои немаат никакви симптоми.
Според RAI News 24 при тестирањето откриени се 3.180 лица кои се заразени со коронавирусот, но не покажуваат никакви знаци на инфекција.
Заразените ќе бидат ставени во домашен карантин.
Претседателот на регионот, Арно Компачер рече дека на овој начин, регионот спречил нови 90.000 заразени лица, што сигурно ќе се случело ако асимптоматските не биле однапред откриени и ставени во изолација.
Трентино-Алто Адиџе, познат и како Јужен Тирол, е регион познат како многу популарен скијачки центар. Италијанскиот министер за здравство Роберто Сперанца претходно изјави дека зимските спортови годинава ќе зависат од епидемиолошката состојба.
