Свет

Маж во Руанда излегол за време на полицискиот час, го изел крокодил

26. март 2020 - 9:57 | А.С.

Властите во Руанда во неделата прогласија целосен карантин и воведоа полициски час поради наглото ширење на коронавирусот во земјата.

Службите соопштија дека маж од јужната област Камонји кој го прекршил полицискиот час и наводно тргнал во риболов, бил нападнат и изеден од крокодил, објави BBC.

„Го прекрши полицискиот час, ова е еден од ретките случаи на непочитување на мерките за заштита од коронавирусот“, соопштија општинските власти.

Во Руанда досега има 40 потврдени случаи на Covid-19, најмногу во регионот. Земјата ја запре економската активност, што сериозно се одразува на поголемиот број од жителите кои живеат во сиромаштија.

Во понеделникот полицијата уби двајца мажи во Нјанза по расправија во врска со мерките за самоизолација.

Коментирај