Килјан Мбапе синоќа ја доби наградата Играч на годината на од Globe Soccer Awards и се осврна на она што сака да го постигне во Новата година.
На церемонијата во Дубаи изненадувачки победи младиот Французин.
„Сакам да освојувам и да освојувам. Доколку го погленете фудбалскиот свет, има куп одлични играчи, па ако малку забавите веднаш ќе ве надмине. Јас имам среќа што играм за голем тим на клупско и интернационално ниво, но не гледам наназад. Не размислувам за она што сум го освоил, мојата цел е да продолжам да освојувам“.
„Сакам да испишам фудбалска историја. Во 2022 година сакам да ги освојам и Лигата на шампионите и Светското првенство“.
Мбапе со ПСЖ прво ќе мора да го мине Реал Мадрид за да остане во игра за пехарот од Лигата на шампионите, додека со репрезентацијата на Франција веќе обезбеди пласман на Мундијалот во Катар каде во ноември и декември ќе се обиде да ја одбрани титулата освоена во 2018 во Русија.