Откако на 12 април доби позитивен тест на коронавирус, Русинот Данил Медведев ќе го пропушти Мастерсот во Монте Карло.
„Разочаран сум што нема да играм во Монте Карло. Мојот фокус сега е насочен кон закрепнување и сакам што побрзо да оздравам и да се вратам во игра“, вели Медведев.
Русинот сега е префрлен во изолација и ќе биде под третман и надзор на медицинскиот тим на турнирот и на АТП.
По објавувањето на оваа вест, на социјалните мрежи се разви полемика околу здравјето на Рафаел Надал, со оглед на тоа што ден претходно Шпанецот и Русинот заедно тренираа.