Легендата на Лос Анџелес Лејкерс, Меџик Џонсон, го искористи својот профил на Twitter за да даде совет на суперѕвездата на Милвоки, Јанис Адетокунбо.
Петкратниот шампион со Лејкерс сака грчкото крило да остане во Милвоки и да продолжи да се бори за титулата со „Елените“.
– Мојот совет до Јанис е да разговара со сопственикот на Милвоки Бакс, Вес Еденс, да разгледа каква ќе биде неговата стратегија да го направи тимот подобар и да го донесе шампионатот во Милвоки, напиша Меџик.
Адетокунбо изјави дека не планира да го напушти Висконсин по плеј-офот. Неговиот сегашен договор истекува следното лето, но „Елените“ ќе му понудат супер-максимална зделка веднаш штом ќе се отвори преодниот рок.
