Руски Правда, познат како медиум кој го велича ликот и делото на Владимир Путин, пишува за хаосот кој настанал откако Русија мобилизирала неколку стотици војници и ги испратила на обука во Белгород и Таман.
Медиумот, кој вообичаено служи како руска пропагандна алатка, овојпат пренесува информации кои не им се во полза на Путин и на руската армија.
Според Правда, војниците на 1. тенковски баталјон и на 1. таманска дивизија не потпишале никакви договори со руската држава. Добиле митралези, но без воени документи. Мобилизацијата никако не беше официјализирана, ниту се отворија банкарски сметки за плати.
Борците беа испратени во шумите каде што живеат веќе шест дена во ровови што самите ги копаа.
Медиумот близок до Путин ги објави изјавите на војниците кои го опишуваат хаосот на бојното поле.
„Не ни дадоа шатори, живееме во ровови што самите ги ископавме. Во моментов овде во Таман сме 400 и не планираме да одиме никаде додека не добиеме помош од државата“, вели еден од мобилизираните војници во Таман, додека друг потврди дека и во Белгород нема ништо подобро:
„Вооружени сме околу 500, но никој од нас не е припоен за ниту една единица, една недела живееме како животни без логистичка поддршка. Немаме апсолутно ништо, никој не нè бара и не ни се јавува. Не поминавме никаква обука, сами си купуваме храна, да не зборуваме за муниција“.
Видеото погледнете го ТУКА.
