На најновата АТП листа Новак Ѓоковиќ се искачи за едно место и покрај тоа што не играше минатата недела. Тој и Каспер Руд ги заменија позициите поради многу лошото издание на Норвежанецот кој го пропушти турнирот во Кицбил каде бранеше 250 поени од 2021 година.
Руд на тој начин загуби 205 поени, а Новак го мина бидејќи сега има 95 поени повеќе од Норвежанецот. Тоа не е единствената промена во првите 10. Карлос Алкарас го замени Стефанос Циципас на четвртата позиција иако загуби во финалето на Умаг.
Прв и понатаму е Даниил Медведев, втор Саша Зверев, а трет Рафаел Надал.
- Даниил Медведев 7.625
- Александер Зверев 6.850
- Рафаел Надал 6.165
- Карлос Алкарас 5.035
- Стефанос Циципас 5.000
- Новак Ѓоковиќ 4.770
- Каспер Руд 4.685
- Андреј Рубљов 3.575
- Феликс Оже-Алјасим 3.445
- Јаник Синер 3.395
Кај играчите од регионот одличното 16. место на АТП листата го држи Хрватот Марин Чилиќ, додека Бугаринот Григор Димитров е 19-ти. Следуваат српските тенисерти: Миомир Кечмановиќ загуби пет позиции и сега е 38. играч во светот, Филип Крајиновиќ загуби три места и е 47-ми, Душан Лајовиќ од 80-тa скокна на 70-та позиција, додека Ласло Џере сѐ уште е во топ 100 иако загуби девет позиции, па сега е на 86. место. На 150-тата позиција е Хрватот Борна Чориќ.
Најдобро рангиран македонски тенисер е Горазд Србљак со 16 поени на 870. место. Потоа следува Калин Ивановски, кој е пласиран на 1069-тото место со 3 поени.