Заменик-претседателот на Советот за безбедност на Русија, Дмитриј Медведев, смета дека кандидатот за претседател на САД, Доналд Трамп, сигурно ќе победи на изборите, само ако не биде убиен.
„Вака веќе е победник. Само да не го убијат“, напиша Медведев на својот профил на социјалната мрежа Х и прикачи слика од Трамп, кога формално беше уапсен во август 2023 година.
Now, he's already won. If he isn't assassinated pic.twitter.com/CsmPOX1tYM
— Dmitry Medvedev (@MedvedevRussiaE) July 14, 2024
На 13 јули, Трамп преживеа обид за атентат за време на неговиот предизборен митинг во Пенсилванија, при што беше ранет. Се здоби со полесна повреда, куршум му го проби десното уво.
Во престрелката едно лице е убиено, а уште две се ранети. Атентаторот беше убиен од офицери на американската тајна служба, која е посебно одговорна за заштита на највисоките државни функционери.
ФБИ го истражува пукањето на митингот на Трамп како можен терористички напад.
