Мејведер го избрка судијата од рингот среде борба

Флојд Мејведер вчера на 47 години влезе во рингот и даде борба за паметење. Синоќа во Мексико Сити се одржа реваншот против Џон Готи III.

Додуша, овој меч нема да биде запаметен по некоја особено квалитетна борба или нокаут, туку по тоа што Мејведер успеа да го избрка судијата од рингот. Тоа е потег без преседан на боксер, дури и на егзибициски натпревари. Во еден момент судијата ја прекина борбата за да го предупреди Мејведер да престане да го удира Готи во задниот дел од главата, а таквиот потег на судијата не му се допадна на американскиот боксер. Мејведер ги загуби нервите, почна да се расправа со судијата, да го навредува и да го брка од рингот.

На крајот, Мејведер изврши толку голем притисок врз судијата и организаторите на борбата што мечот не продолжи сѐ додека друг судија не дојде во рингот.

Што се однесува до исходот на борбата, тој не беше постигнат, па на крајот немаше победник.