Флојд Мејведер Џуниор пред мечот со јутјуберот Деџи Олатуњи зборуваше и за јутјуберот/боксерот Џејк Пол и рече дека е „готов“ штом добар противник влезе во рингот.
Пол неодамна го победи Андерсон Силва, кој е 22 години постар, и ова е негова најважна победа во неговата „професионална“ кариера. Сепак, Мејведер смета дека Пол допрва треба да се соочи со сериозен боксер.
„Видете, Џејк Пол има проблеми. Тој е добар во она што го прави во моментов. Како што реков, она што го прави во моментов. Тоа е тоа, многу муабет. Затоа треба да ужива додека може. Добро му оди, апсолутно, во она што го прави во моментов. Луѓе во 50-тите, луѓе во 40-тите, се разбира“, рече Мејведер.
Интересен беше и заклучокот.
„Дали сака да се бори со мене? Се разбира, имам речиси 50 години, секако дека сака да се бори со мене“, изјави Мејведер.
Пол отпатува во Дубаи за да ја гледа борбата меѓу Мејведер и Деџи, но и да се обиде да го предизвика Томи Фјури да влезе во рингот.
