УФЦ борачот Конор Мекгрегор не чекаше долго за да упати класични ММА закани до Џастин Гејџи кој со победата над Тони Фергусон стана привремен шампион во лесна категорија.
Гејџи беше апсолутно доминантен во сите пет рунди од борбата што се одржа во рамки на настанот УФЦ 249 и победи со технички нокаут, испраќајќи го Фергусон во болница.
Негов следен противник би требало да биде шампионот Хабиб Нурмагомедов, но и Ирецот сака да се пресмета со привремениот шампион во октагонот. Во ММА стил, Мекгрегор почна со закани и провокации.
„Џастине, маж кој гушка нозе не е опасен, тоа сите го знаеме“, почна Ирецот, а за крај ги остави заканите како „ќе те искасапам“ и „ќе си направам ѓердан од твоите заби“.
Ова не е прв вербален конфликт меѓу двајцата УФЦ борачи. И лани во септември си разменија навредливи зборови.
Мекгрегор во јануари се врати во октагонот со импресивна победа над Доналд Серон.