Немаше премногу негативна тензија на конфронтацијата меѓу УФЦ борачите Конор Мекгрегор и Дастин Поарје денеска во Абу Даби.
Двајцата противници конечно ја објавија утрешната борба и тоа со прегратка.
По мерењето следеше вообичаената конфронтација, но го немаше интензитетот на кој сме навикнати.
Нетипично за него, Ирецот очигледно смекнал. Тој секогаш ја користи оваа можност за да привлече дополнително внимание, а сега сè помина без никакви проблеми, тензии, дури и без провокации.
Мекгрегор и Поарје по редовните активности си подадоа рака еден на друг, а откако малку се насмеаја, Ирецот го прегрна својот утрешен противник и со насмевка и поздрав ја најави борбата во Абу Даби.
Втората борба помеѓу Мекгрегор и Поарје ќе се одржи во рамките на спектаклот на воени вештини УФЦ 257. Во првата борба одржана во 2014 година, Мекгрегор славеше со нокаут за помалку од две минути.
Вториот судир е закажан за во сабота, а силите ќе ги измерат на Фајт Ајленд во Абу Даби.
