Актерот Меколи Калкин ја запроси девојката Бренда Сонг.
Четири години откако почнаа да се забавуваат, актерот од култниот божикен филм „Home Alone“ и ѕвездата на Disney се подготвени да се венчаат, вели извор близок до двојката за Е! News.
Сонг (33) ја потврди веста на 25 јануари кога се појави во Беверли Хилс со импозантен дијамантски прстен на прстот каде се носи свршенички прстен.
Оваа пресвртница во врската доаѓа помалку од една година откако поранешната актерка од „Suite Life of Zack & Cody“ го роди првото дете на парот. Додека приватниот пар ја држеше бременоста на Сонг надвор од центарот на вниманието, портпаролот на Калкин потврди дека двојката го добила синот Дакота Сонг Калкин во април.
„Пресреќни сме“, рекоа во тогашното соопштение ѕвездите кои бебето го крстија по покојната сестра на Калкин.
Калкин (41) и Сонг, кои се запознаа за време на снимањето на филмот „Changeland“, за првпат навестија дека се пар кон крајот на 2017 година, откако беа забележани како се држат за раце.
Следната година, Калкин навести дека ќе основа семејство со Сонг.