Холивудскиот актер Мел Гибсон му упати војнички поздрав на поранешниот американски претседател Доналд Трамп, пред натпреварот на УФЦ-264 првенството во боречки вештини во Лас Вегас. Со тоа, тој го навлече гневот на политичките противници.
Некои од присутните ја снимија случката, па салутирањето набргу стана главна вест на социјалните мрежи.
„Фактот дека Мел Гибсон го поздрави Трамп не треба да изненади никого. Нацистите поздравуваат други нацисти”, напиша еден корисник на Twitter.
„Мел Гибсон, кој се преправаше дека е војник, го поздрави Доналд Трамп, кој се преправаше дека е претседател. Има некоја смисла”, гласи друг коментар.
Independent потсетува дека Гибсон зад себе има долга историја на расистички, антисемитски и хомофобични коментари.
Некои негативни коментари, пак, Гибсон го опишауваат како „антисемитски кретен“. Според друг противник на нивната политика, оскаровецот и поранешниот претседател на САД се „нацисти и бели шовинисти“.
