По победата, Доналд Трамп со сопругата Меланија Трамп и синот Ерик им се обрати на своите поддржувачи во Вест Палм Бич. Меланија е позната по својот едноставен стил и елеганција, а овој пат избра сив комплет од францускиот бренд Dior.
Носеше сива јакна која чини 4.000 евра и сиво здолниште од 2.140 евра. Комбинацијата ја комплетираше со едноставна шминка и фризура со меки локни.
Трамп за време на своето обраќање се заблагодари на својата сопруга Меланија за поддршката и истакна дека таа е многу важна во неговиот живот, а се заблагодари и на своите деца кои му се важна поддршка.
Меланија беше исклучително добро расположена за време на неговото обраќање.
Познато е дека Меланија вчера за време на гласањето носеше црно-бел фустан од Dior со туфни. Аутфитот го комплетираше со очила за сонце, а фустанот што го носеше ѝ е еден од омилените.
Во истиот фустан таа се појави во телевизиско интервју за Fox News во кое зборуваше за своите мемоари „Melania“. Нејзината облека доби неколку критики од твитерџиите.
Dior е еден од нејзините омилени луксузни брендови, во чии комбинации често се појавува во јавноста.
