Кошаркарите на Мемфис Гризлис го исфрлија Голден Стејт Вориорс и и го пополнија и последното преостанато место во плеј-оф разигрувањето за титулата во НБА.
Последниот натпревар од таканаречениот преј-ин заврши дури по продолженија, а како победник излезе Мемфис Гризлис кој со резултат од 117:112 триумфираше над Голден Стејт Вориорс и стана последен патник во плеј-офот.
До победата Мемфис беше предводен од сјајниот Џо Морант кој постигна 35 поени, а додаде и по 6 скокови и асистенции, додека на Вориорс не им помогна ниту феномеланиот Стеф Кари кој уфрли 39 поени со кои беше најефикасен на натпреварот.
Мемфис ги доби првите две четвртини од кои втората со 12 разлика, но последните две им припаднаа на Вориорс кои на крајот се изборија за 99:99 и продолженија. Таму подобар беше Мемфис со 18:13.
Гризлис во плеј-офот ќе играат против тимот на Јута Џез кој сезоната ја заврши на првото место во Западната конференција. Мемфис претходно го елиминираше и Сан Антонио Спарс во 1. коло од плеј-инот.
НБА плеј-офот почнува вечерва и тоа со натпреварите:
Милвоки Бакс - Мајами Хит (20:00 часот)
Лос Анџелес Клиперс - Далас Маверикс (22:30 ч.)
Бруклин Нетс - Бостон Селтикс (2:00 ч.)
Денвер Нагетс - Портланд Треил Блејзерс (4:30 ч.)
