Mercedes треба да ја претстави продукциската верзија на својот електричен флегшип, но веќе се шират гласини за AMG верзијата на моделот EQS.
Според новиот извештај на Autocar, верзијата со високи перформанси ќе биде ривал на претстојниот модел на Tesla S Plaid кој ќе има два мотора и доволно сила за да биде рамо до рамо со моделот AMG S63 со конвенционален погон.
Mercedes AMG EQS е базиран на новата ЕVA платформа. AMG EQS ќе испорачува повеќе од 600 коњски сили и 900 Nm максимален вртежен момент, а таа сила ќе се пренесува на сите четири тркала.
AMG EQS од 0 до 100 км/ч забрзува за помалку од 4 секунди и достигнува максимална брзина од 250 км/ч.
Големата литиум-јонска батерија од 100 kWh ќе биде поставена на подот, а според WLTP циклусот овозможува домет од 692 км/ч.
Пред овој модел ќе ја видиме наредната генерација на S-Class, а потоа ќе стигне Mercedes Benz EQS. Тоа нема да биде пред 2022 година.