Три години по премиерното претставување, Mercedes-AMG го редизајнираше моделот GT 4-Door Coupé.
Освен освежениот дизајн, спортската лимузина доби нови бои на каросеријата, нови комбинации на бои во кабината, нов мултифункционален управувач и место за пет патници во кабината, наместо 4 како претходникот.
АMG нагласува дека рекалибрираната адаптивна суспензија која ќе биде достапна во комбинација со моќни V8 погонски опции, ќе понуди поголемо ниво на удобност и уште подобра управливост.
Уште нема податоци за моќноста на 4-литарскиот V8 битурбо мотор, кој во GT 4-Door верзиите се крие зад ознаките 63 и 63S. За потсетување, моторот во најмоќното претходно издание развиваше 639 KС и 900 Nm вртежен момент, а автомобилот забрзуваше до стотка за 3,2 секунди и постигнуваше максимална брзина од 315 км/ч.