Mercedes најави амбициозни планови за проширување на својот асортиман на електрични автомобили.
Најавени се VIsion EQS, како и кросоверите EQA и EQB. Германците тврдат дека EQS ќе има досег од 700 километри со едно полнење, по европскиот циклус WLTP.
Компанијата исто така развива прототип наречен EQXX, кој ќе има најдолг досег во светот, односно кој ќе може да помине најмалку 1.200 километри со едно полнење на батеријата.
На овој проект работи тим од Штутгарт со поддршка на британската AMG High Performance Powertrains Group, која произведува мотори за Формула 1.
Наместо да го зголемуваат капацитетот на батеријата и да додадат непотребна тежина, инженерите тврдат дека подобрата аеродинамика ќе овозможи поголем досег. Аеродинамичката форма на прототипот EQXX ја навестуваат со тизери, но деталите се чуваат во тајност.