Прославата на освојувањето на Копа Америка на Меси му донесе повеќе лајкови на Instagram од било кој спортист во историјата на оваа социјална мрежа.
Сликата со пехарот од Копа Америка која Лионел Меси ја објави на Instagram стана најлакувана објавена фотографија од било кој спортист. Со тоа, Меси го симна од врвот Кристијано Роналдо кој досега можеше да се фали со овој примат.
Меси ја предводеше Аргентина до триумф на континенталното натпреварување откако во финалето со минимални 1:0 го победи Бразил и прв пат по 1993 година стигна до пехарот.
Воедно, ова е прва титула за Меси во дресот со националните бпи, достигнување кое одамна го посакуваше и кое му недоставуваше во неговата богата колекција.
Фотката на Меси на Instagram до овој момент има над 20.766.406 лајкови, со што речиси за еден милион го надмина рекордот на Роналдо чие оддавање почит на Диего Марадона лани му донесе, 19,8 милиони лајкувања.
Меси од Копа Америка не си замина само со шампионскиот пехар туку и беше прогласен за најдобар играч, најдобар стрелец со 4 гола и 5 асистенции (исто голови имаше и Колумбиецот Луис Диас, но помалку асистенции), а се најде и во идеалниот тим на првенството.
