По татко му, сега и Лео Меси купи имот во Милано и тоа во комшии на седиштето на Интер по што ги разгоре шпекулациите дека е пред преселба во составот на Антонио Конте.
Откако Хорхе Меси, таткото на Лео, неодамна купи имот во Милано, денеска стигна потврда дека и славниот аргентински фудбалер купил огромен стан на поткровје во луксузната населба Порта Нова во Милано. Интересно, зградата Торе Соларија во која е станот се наоѓа веднаш спроти седиштето на Интер. И куќата на татко му е во истата населба, но на улицата „Џо Коломбо“.
Овие инвестиции на таткото и синот по којзнае кој пат ги разгореа шпекулациите на Апенините дека Меси е пред трансфер во Интер. Вистина е дека Аргентинецот е разочаран од тоа како се одвиваат работите во Барселона, вистина е и дека договорот со Каталонците му истекува наредното лето. Но, Меси никогаш не изјавил дека планира да си замине од Барса, напротив, дека дури и сака да ја заврши кариерата на „Камп Ноу“.
Како и секогаш, времето ќе покаже...